الرقاق الجامد اوى من مطبخى 👍 👍 سهل و سريع و يجنن 💖 الطريقة بالتفصيل و الصور 😉 😄 رمضان كريم.

 😍😍😍 يجنن

المقادير بقى :
رقاق ناشف ..
لحمة مفرومة متعصجة
شوربة لحمة تكون حلوة و متملحة و فيها حبهان و مستكة و ورق لورة و بصل .. يعنى شوربة تكون متحبشة.
معلقتين كبار سمنة.
صينية فرن يا ريت لو تكون تيفال. .
و بس خلاص 😃 😃 😃

أول حاجة ادهنى الصينية بالسمنة.

اسقى الرقاق بالشوربة من الجهتين كويس ..

رصى الرقاق فى الصينية و ادهنى سمنة ما بين كل راق و التانى 👍

حطى اللحمة المفرومة المعصجة بعد كام راق كدة ... يعنى شوفى الرقاق بتاعك كام واحدة و ظبطى عدد الطبقات. .

و كملى باقى طبقات الرقاق المسقى بالشوربة ... انا عملت راقين من اللحمة المفرومة مع رقات الرقاق و متنسيش ادهنى سمنة ما بين كل راق و راق ...

خلصت 👍👍

كدة الصينية جاهزة. .. حطيها بقى على النار فوق البوتجاز على نار متوسطة هتسمعى صوت السمنة بتكتك و لما تيجى تروجى الصينية هتلاقى الرقاق بيتحرك معاكى من تحت هى تقريبا هتحتاج 3 أو 4 دقايق و كدة يبقى الوش التحت استوى و اخد لون 👍

قلبت الرقاق فى طبق كبير و دهنت الصينية سمنة تانى ..

و هيشيل الرقاق براحة و ارجعوا تانى للصينية علشان الوش التحت ياخد لون هو كمان ....حطية بقى على التجار تانى و اعملى نفس الحكاية تقريبا 4 دقايق ...

و اقلبى الرقاق فى طبق التقديم 😍😍

يا سيدى 💓💓 انا اصلا بحب الرقاق باللحمة اووووى 😄💓

قطعية بقى براحة و قدمية و انا عملت طبقتين من اللحمة المفرومة مخلية شكلوا حلو 😉😉😄 سهل اوى و مبيخدش وقت خالص أسهل و اسرع من رقاق الفرن 😉😉😄 جربية 👍 👍 💖 رمضان كريم 💖 اعملى للوصفة شير علشان تكون متخزنة على التايم لاين عندك 😄👍